دکتر صدیق، حسن مجیدزاده (ساوالان) خلق شاعری لقبی وئردی

 یکشنبه 8/10/1398 تاریخینده تهراندا یئرلشن «کانون هنرمندان آذربایجان» محلّینده آذربایجانلی قوجامان شاعر حسن مجیدزاده ساوالانین 80 ایللیگی مناسبتی ایله طنطنه لی بیر توپلانتی تشکیل تاپدی. اوچ ساعت دوام ائدن بو توپلانتیدا بیر نئچه مجلس نماینده سی، فرهنگی- ادبی شخصیتلر دانیشدیلار. توپلانتینی افتتاح ائدن استاد دکتر صدیق ادبی نظریه لر آراسیندان گئنیش مخاطب اوچون ساده و آنلاشیقلی شعرلر یازما اهمیتیندن دانیشیب دئدی: «ساوالان، شهریار و علی آقا واحد کیمی ان ساده و لاکن ادبی- بدیعی بزهکلر ایله شعر یازان شاعردیر و اونا گؤرهده خلق طرفیندن منیمسه نمیش و آلقیشلانمیشدیر.»
اوستاد، سؤزلرینین سونوندا حسن مجیدزاده ساوالان اوچون «خلق شاعری» لقبی وئردی. سالوندا حاضر اونلارین چوخ ططنه لی استقباللاری ایله بو لقب تأیید ائدیلدی.
اوستاد بو لقبین حسن مجیدزاده ساوالان اوچون وئرمه سببینی بئله ایضاح ائتدی: «ساوالانین شعرینی هم خواص و هم عوام تایید ائتمیشدیر. اونون شعرلرینی جدی اولاراق من خلق شعری و اؤزونوده خلق شاعری آدلاندیریرام. خلق عمومیتله بیز عواما خطاب ائدیریک. عوام ایسه شعر، آغیر و چتین اولاندا اونلا باغلانتی قورا بیلمز، قورسادا بیر چتین کلمه و یا اصطلاحا راست گلنده پارازیت یارانار. ساوالان، شعرده اؤز مخاطبینی تاپمیشدیر. اونون مخاطبی گئنیش خلق کوتله سیدیر. ساده و آنلاشیقلی شعر یازماق خلق شاعری نین هنری ساییلیر.»

نوشتن دیدگاه


تصویر امنیتی
تصویر امنیتی جدید