ای اولوب معراج، برهانِ علّو شان سنا،
یئره ائنمیش گؤیدن، استقبال ائدیب فرقان سنا.
حین دعوی نبوّت، مدّعی الزامینا،
جاهل ایكن ائل، سنین علمین یئتر برهان سنا.
كلكِ حُکمۆن، چكدی حرفِ سایر ادیانه، خط،
حُکمۆن اثبات ائتدی نفی سایر ادیان سنا.
باقیِ معجز، نه حاجت دینِ حق اثباتینا؟
عالم ایچره معجزِ باقی یئتر قرآن، سنا.
وصف جبریل امین ائتمیش قبول خدمتین،
سرّ حق كشفینه آیتله یئتیب فرمان سنا.
سنسن اول خاتم كی رفع ائتمیش جمیع خاتمی،
خاتمِ حُکم رسالت تاپشیریب دُوران سنا.
اول قدر ذُوق شفاعت جوهر ذاتیندا وار،
كیم گلیر عرض خطا معنیده یۆز احسان سنا.
ماه نو دور، یوخسا سن قیلدیقدا سِیر آسمان،
قالدیریب بارماق گتیرمیش آسمان ایمان سنا.
یا نبی! لطفۆن فضولی‌دن كَم ائتمه اول زمان-
كیم، اولور تسلیم مفتاحِ در غفران سنا.
