ناظر شرفخانه ای از نگاه دیگران

 

زنده یاد یحیی شیدا

شاعر، ادیب و روزنامه نگار آذربایجانی

 

"ناظر" تابلو یاراتماقدا ماهر بیر رسّام دیر. او طبیعتده اولان گوزه للیک لر و اینجه لیک لری حساس طبعی له دویور. مثلا "وصال نغمه سی" بیر غزلده بئله بیر تابلو رسم ائدیر.

 

ای دل! دور آچ دیلک قاپی سین، بوستانه باخ

گؤر بیر نئچه چیچک له دولوب لاله زاریمیز

 

بیر یاندا سوسن ایله شقایق قوجاقلاشیر

بیر یاندا وئرمیش ال - اله سرو و چناریمیز

 

بیر یاندا سازیمیز سؤز آچیب حسن یاردن

بیر یاندا وصلدن دانیشیر عود و تاریمیز

 

بیر یاندا مئی توکور قدحه پیر میکده

ایچدیکجه اود اولوب آلیشیر پود و تاریمیز

 

 

دکتر حسین محمدزاده صدیق "دوزگون" استاد زبان های فارسی و ترکی

 

او [ناظر شرفخانه ای] عرفانی و فلسفه دوشونجه نی تورکجه میزده ادبیاتین "جوهره سی" ساییر و "سیّد عظیم"* کیمی و عقل ایله تعارض و ساواشلاریندا، عشقه اوستونلوک وئریر. ادبسیز و هنرسیز حساب ائدیر و "عشقدیر هر نه وار عالمده" زاهیدی عاقلین اسیری بیلیر. و اگر "سیّد عظیم" دئییرسیه:

 

ای زاهد خودبین، بیلیرم کیم هنرین یوخ

میدان محبّت طرفه بیر گذرین یوخ!

 

"ناظر شرفخانه ای" ایسه اینجه بیر طنزایله خیطاب یازیر:

 

زاهدا! گر ایچسن مئی عقل آتین ائده رسن پی

سنده اوز قویارسان هئی من کیمی بیابانه

 

بیرجه جرعه نوش ائتسن سن ده من ایچن مئیدن

منبر اوسته پایلارسان گونده خلقه پیمانه