شاعر باصفا، عارف گمنام
سؤزۆ، اۇتورشو، دوروشو گؤزل
وقار صاحبیدی او ادیب عالم
اونا لطف ائتمیشدی حیّ لَم یزل
بیزدن اوزدو اَل
سلیم‌النفس انسان،وقارلی، متین
"ناظر" دئمه بیر پارچا مهر وزین
اعتقادی محکم، اؤزو اهل دین
شعرین‌ده گیزلنیب چوخ علت، علل
گؤرمه‌دیم خلل
دوستلارین دیندیردی شیرین دیل‌ایلن
عۆمور باشا وئردی چوخ نیسگیل‌ایلن
ساعات، گون، هفته، آی،اوزون ایل‌ایلن
گؤردو«قیزیل‌قلم»گۆزللیک، گؤزل
آپاردی اجل
اکبر ستاری قیزیل‌قلم