صحن طلای حضرت علی(ع)
قطعه ی بلند زیر در جناح ضریح حضرت امیرالمؤمنین علی(ع) به امر نادرشاه افشار با آب طلا نگاشته شده است. قطعه را شاعر معروف اهل بیت(ع) نشئه ی تبریزی سروده است.
تمنّای سلاطیندیر، اوزون سورتمک بو درگاها
زهی رفعت کی ایستر صدر دوشسون آستان اوزره
شهِ جم حشمتِ دارا درایت، نادرِ دؤوران
کی تختِ دولتِ جمشیده واریثدیر جهان اوزره
بدخشان لعل و عمان اینجی سین وئرمیش خراجیندا
گونش تک حؤکمو نافیذ، متصل دریا و کان اوزره
چکیلمز کهکشانین یایی تک نقاش اگر چکسین
مثالِ قوتِ بازوی اقبالین کمان اوزره
بلند اقبال اولان، اعدالارین دا سربلند ائیلر
مکرّر ائیلمه میش دوشمنلرین باشین سینان اوزره
عیارِ خالیصِ کانین، ائدیبدیر گون کیمی روشن،
قضا جریان ائدیب، فرمان کمانِ عزّ و شان اوزره
کی لازیمدیر علی(ع) نین روضه ی پاکین طلا ائتمک
منور دیر مقامِ مهر داییم آسمان اوزره
زهی نام همایون، کیم یازاندا کاتبِ قدرت
گره ک توغرای بسم الله چکسینلر نیشان اوزره
او کوکب کیم کی افلاکِ خلافت ایچره انوارین
سالیب چرخِ چهارومدان زمین اوزره، زامان اوزره
اولور مرآت دینین صئیقلی دولت، بو اوزدندیر
قضا تختِ خلافت رسمین ائتمیشدیر جهان اوزره
وجودِ تخت اوچون علت گره ک ناچار چار اولسون
موخر علّتِ غایی اولور ظاهیر عیان اوزره
سن اوّل کامیل باهادیرسان، گرامی سن کی حاققیندا
دئمیش هر جوهری، بیر قیمتِ ناقص گمان اوزره
شها! بی اختیارام مدحِ شاهنشاهِ دؤورانه
بو اوزده ندیر مکرر ائیلرم جاری زبان اوزره
دلیلِ شؤکتی بسدیر همین نام هُمایونی
معانی لفظدن ظاهیر اولور لوحِ بیان اوزره
دئییلدیر کهکشان تسخیر اوچون عزم ائیله ییب گویا
کمندِ همتِ والاسین آتمیش آسیمان اوزره
ائدیب ایجاد چون صانع، بو شاهنشاهِ دورانین
حصولِ مقصدین فرمانینا توأم جهان اوزره
رضا وئردی اونا سولطانِ روم اسکندر ثانی
کی واجیبدیر دوعای دولتی، اسلامیان اوزره
زهی شکوت کی گر کُفّار ایلن عزم ائیله سین رزمه
چکرلر منتِ شمشیرینی باش اوسته، جان اوزره
صلاحِ دولتینی ایسته یَن بغداد والیسی
چالیب اتمام اوچون سعی ایله دامانین میان اوزره
او صاحب جاه کیم ذکر ائتسه لر نامِ گرامیسین
ائدرلر حمد اسماسی ایلن، جاری زبان اوزره
بو خِیر امرین مهیا اولدو چون اسبابِ اِتمامی
رضای پادشاهِ تاج بخش کامران اوزره
زرِ نابین عیارین ائتدی اؤز اخلاصی تک شاهد
مبّر نقدِ جان ایلن، معادل امتحان اوزره
ملایک اولدولار همدستِ اُستادانِ چابک دست
طلادان آسمان ایجاد اولوندو آسمان اورزه
ضریح اوزره منوّر گونبدِ خورشید خاصیت
سانیرسان قبّه ی یاقوتِ احمردیر جینان اوزره
گؤیول پرواز ائدیب سر طوقِ زرّینین خیال ائیلر
کی آچمیش بال، طاووس بهشتی آشیان اوزره
موذّن بولبول تسبیح خوان و صحن گولشندیر
قیزیل گول دسته سی، گول دسته لر باغِ جنان اوزره
تمنّای سلاطیندیر، اوزون سورتمک بو درگاها
زهی رفعت کی ایستر صدر دوشسون آستان اوزره
دئیرکن عقلِ ظاهر بین منه شول قُبّه دیر گویا
کی اولموشدور طلای نابیله زرین جهان اوزره
جوابیم «نشئه» اولدو مصرع تاریخِ اِتماما
ادب بیل مهر! ساکن دور! مطافِ انس و جان اوزره.