تاريخ انتشار: بهمن ماه 1387
بئله ظن ائدیردیم
بیر-ایکی شعر ایله
قاباغېنا چېخا بیلره‌م، آنا!
بودا بیر گۆناهېم!
بونودا باغیشلا مانا
استاد دكتر حسین محمدزاده صدیق، با تخلص «حسین دوزگون» - كه طراوت جوانی شاعری خود را در مبارزه با رژیم طاغوت گذرانیده و شعر را به عنوان سلاح برنده‌ای در دفاع از حقوق حقّه‌ی مردم خود به كار گرفته است - در ستایش مادر نیز اشعاری دارد كه افتخار می‌كنیم توانستیم این اشعار را از مجموعه‌های شعر چاپ شده‌ی وی جمع كرده، به صورت جزوه‌ای انتشار دهیم. لازم به ذكر است كه خود استاد، اشعاری را كه به مادر خود هدیه كرده، قبلا در دفتری تحت عنوان «آناما هدیه» گردآورده بود كه ما با افزودن شعرهای دیگری آن را تكمیل كردیم. منابع چاپی در زیر هر شعر آمده است.
اوشاقلیق خاطره‌سی
آرزوسوندا وارام، او آخشاملارین،
کی آنام سولاردی آبپاشلا یئری.
سونرا سوپوره‌نده نغمه دئیه‌ردی،
آنامین عشقینه بولبولون بیری.
آیین قورصو یئرین مولکون آلاندا،
آنام چاغیراردی:«- یئرلری گتیر!»
و بیزده سئوینجک آچیب یوک یئرین،
پنجره ایچینه قویاردیق بیر- بیر.
پالازلاری آنام سه‌ره‌ردی یئره،
اوستوندن سالاردی یئرلریمیزی.
یایین آخشامییدی دیغیرلاداردیق.
یئرلرین اوستونده بیر- بیریمیزی.
اوستوموزه آنام چیغیراردی چوخ:
«چکیلین بالالار، یئرلری سالیم،
سونرا هر اویوندان چیخیرسیز چیخین،
بالا قوربان اولوم، دردیزی آلیم.»
یئرلری سالاندان سونرا، آنامیز،
بیر یورقان ایچینه توپلاردی بیزی.
ناغیلا باشلاردی مین محبتله،
آنامین گلنده کؤکسونه سؤزو.
بیزده سئیر ائده‌ردیک ناغیل باغیندا،
گؤیلرده تیکردیک مرمر قصیرلر.
آنام آغزی سولو، افسانه‌لردن،
وئره‌ردی بیزلره مین شیرین خبر.
واخت اولاردی باجی- قارداشلاریملا.
آنامین قوینوندا یوخو آلاردیق.
حیه‌طه گلردی گئجه قوشلاری،
اوستوموزه آی‌دا سرپردی ایشیق.
1356
تاجیمسان
سن آنا، باشیمدا تاجیمسان کولاهیمسان منیم،
شؤوکتیم، شانیم، جلالیم، عزّ و جاهیمسان منیم.
هر کیمین دونیادا وارسا مولکو، مالی، دؤولتی،
دونیادا هم عُقبادا سن دستگاهیمسان منیم.
چولقاسا یان یؤره‌می ظلمت قارانلیقلار، آنا!
قلبیمین آیدین گؤیونده صبح‌گاهیمسان منیم.
اغیارین یوزلر ستمگر قان سورانی وار ایسه،
سن منیم حاققیم آلانسان، سن سیپاهیمسان منیم.
هر دنی انسانلیغا خور باخماغا یول سئچسه‌ده،
اوغلونا یول گؤسته‌رن دوسدوغرو راهیمسان منیم.
دونیادا سوچدان قاچیندیم، بیر گوناه‌دا ائتمه‌دیم،
آمما پرونده‌مده سن سوچسان گوناهیمسان منیم.
باخ،کولاهسیز باش‌آچیق‌دوزگون‌گئجه- گوندوز دئییر:
سن، آنا! باشیمدا تاجیمسان، کولاهیمسان منیم.
1369
متن کامل این کتاب در قسمت کتابخانه الکترونیک برای دانلود موجود است.