خلیل چوپانیان

خلیل چوپانیان

افتخار یارادان آذربایجانا

شان و شهرت اولان ایرانا دوزگون

چۆرۆتدۆن عؤمرۆنی علم یولوندا

شرف و غیرتده مردانا دوزگون

 

علمده دریادی، حلمده عمان

علمینین بحرینی گؤستریر زمان

اؤزۆن فدا قیلدی رئوف مهربان

مهرین ثابت ائتدی انسانا دوزگون

 

صنعت اوجاغیندا دایاندی داغ تک

انصاف سیز زامانا آغاردیر بیرچک

صالح اؤیره‌نجیلر، اوغلانلار گؤیچک

دیلی ثنا دئدی سبحانا دوزگون

 

زینه‌لی چشمه‌نی بیر چای ائیله‌دی

اؤرگندی اؤرگتدی بیر پای ائیله‌دی

دونیایا سس سالدی، بیر های ائیله‌دی

گؤزل آد قازاندی مردانا دوزگون

 

امامِ حسینه باغلادی بئلی

یار و یاوریم دئدی بیر عؤمۆر دیلی

محبت عشقینن سئویری ائلی

قلبدن باغلادی قرآنا دوزگون

 

«صدیق» طبیب اۆزۆن توتدی آسمانا

اونون علمی ایشیق سالیب هر یانا

شاعیر «خلیل» احسن دئیر انسانا

قیلیر سجده امام زمانا دوزگون

دیدگاه‌ها   

صادق
0
استاد محترم ، خداوند عنایتی کرده تا بخشی از اشعار این مرد بزرگ ( خلیل چوپانیان ) را جمع آوری و تا مرحله تایپ و بازنگری به اتمام برسانم . در صورت علاقمندی ، آماده دریافت نقطه نظرات تخصصی و ویرایشی در مورد اشعار ایشان هستم . ممنون راهنمایی ها. تماس با بنده از طریق ایمیل و تماس با خود شاعر از طریق شماره شخصی ایشان
پاسخ دادن

نوشتن دیدگاه


تصویر امنیتی
تصویر امنیتی جدید