استاد ناظر شرفخانه ای نین پاک و مطهر روحونا اتحاف
حمید احمدزاده
یازمیشام آدینی کؤنلومه اینان
آدینی قاراداش قازانان زامان
سن گئتدین گئدلی، یئنیلدیم غمه
گؤزومدن نور گئتدی دیزیمدن تاوان
دوزوموم توکه نیب، طاقتیم بیتیب
آیریلیق یاماندیر، یاماندیر، یامان
عطرینی آرا بیر گولدن آلیرام
منی اؤز باشیما قویسا بو دومان
نقدری وار ایدین ، قادامی آلدین
قاداوی آلمادیم ، قادامی آلان
شکیلین اؤزوندن وفالی چیخدی
جانسیزلار سیندیرمیر کؤنولو گومان
اپریدیم ، چورودوم ، یاندیم ، یاخیلدیم
آدیوی قاراداش قازانان زامان