ناظر گئدیبدور الدن
جواد فضلی "یانار"
باشینیز ساغ اولسون یازار شاعیرلر
بیر مهربان شاعیر گئدیبدور الدن
قلمی شمشیر تک کسگین بیر شاعیر
بیر شیرین دیل ناظر گئدیبدور الدن
بیر قوروپ آچیلدی گؤزل آدینا
گاهدان بیز باخیردیق شعرین دادینا
بوندان بئله گرک یازاق یادینا
بیر شیرین دل ناظر گئدیبدور الدن
چیچک سیز باهارین صفاسی اولماز
چمنسیز بولبولون نواسی اولماز
بیلیردیک دونیانین وفاسی اولماز
بیر خوش اخلاق ناظر گئدیبدور الدن
اورک چیرپینتی سی اولدوزلو دنیز
شئهلی سحرینه فخر ائدیریک بیز
بیر مهربان آتا قلبی چوخ تمیز
بیر خوش صحبت ناظر گئدیبدور الدن
طنزلر، غزللر، هم حیکایه لر
ماهنی لی چای بیرده کی سون ایستکلر
آنا دیلده یازیب اوخویور ائللر
بیر سفره حاضر گئدیبدور الدن